نظام فاشي

يالله ياللي من ترجاك ماخاب
ياباسطٍ سبعٍ وسبعٍ رفعها
يامسيّرٍ كونك بتنظيم وحساب
كل الكواكب ساريه في وزعها
انك تهيئ للعرب كل ماطاب
وسؤ التفاهم بينهم تنتزعها
وترفع لهم رأيه وتفتح لهم باب
والكلمه بقدرتك وحّد سنعها
وياناصر المظلوم تنصر لنا احباب
في سوريا يمسي ويصبح وجعها
باسباب خاين للمواثيق وكتاب
تملي عليه الفرس غاية طمعها
من كربلا عقيدته بين الاحزاب
سستاني المذهب ويرجي شفعها
شبّيحته في سوريا قتل وارهاب
رعب النساء واطفالهم ماردعها
الجامعه والغرب مع كل الاقطاب
ضده وضد امارساتٍ وضعها
حتى المساجد عمّها شرعه الغاب
نظام فاشي والمشاكل زرعها
قولوا معي آمين ياكل الاصحاب
والمسلمين وكل من هو سمعها
إنك تزيل الظلم مع كل الاسباب
وكل العرب تنهي مصايب وجعها