محمد بدر

لا تقولون هانت

ما تحسس جروحي غير أصابع يديه
يوم كبر الحدث كل المخاليق خانت
ما وقف واحد جنبي بدمه حميه
آه ما اقشر علامات الجفا يوم بانت
كل شيء تغير بين صبح وعشيه
روس فيها معزه كيف بالله لانت
تشرب الماء من اليمنى على حسن نيه
غيروا برجها اللي بالنجوم استعانت
ناس بالزعفران تغير الابجديه
يرقبون الفرص يالين مرت وحانت
وارسلوا مشعل الفتنه بكفه هديه
لو سألت الليالي يوم كنا وكانت
يوم عصر المحبه يوم الاشواق حيه
تاخذ القلب مني كل ما قلت مانت
تحفظه عندها ساعة ويرجع عليه
ماحسبت الليالي يوم بالعين شانت
غير جرح الزمان اللي يداويه كيه
النفوس العزيزة للمواثيق صانت
تحتملها ولو هي كبر ضلعه طميه
والنفوس الضعيفة عن هدفها توانت
الهقاوي ضعيفه والمقاصد رديه