أطيب تهاني العيد

الحمد لله والثنا كل الأوقات
ومن يشكر المعبود بالخير زاده
سبحانه الوالي مجيب الدعوات
ربٍ لوجهه ساجدين عباده
ومن بعد ذكر وشكر رب السماوات
عسى الذي تحويه الأعماق جاده
تعبير شعري والتهاني والأبيات
للقائد اللي مركب الخير قاده
عبدالله اللي له مواقف عظيمات
بين الأمم شرف مواقف بلاده
عيده مبارك سيدي والعبارات
اسمى التهاني أسعد الله عياده
الحاكم العادل حكيم القرارات
كله وفا كله شموخ ورياده
للمجد والتاريخ له معه وقفات
في حكمته في حنكته واجتهاده
قائد بلد سيد وفا شيخ نجدات
كل الوصوف النادره من عتاده
واطيب تهاني عيد وأطيب تحيات
للي له النجدات والجود عاده
ولي عهدنا اللي له الطيب عادات
للجود والأمجاد ساس وعماده
سلطان خير وعنه الخير ما فات
طوّر لنا صرح المعالي واشاده
الله يحفظ ملوكنا أهل المروات
وعيده عليهم بالمسرات اعاده
وللشعب جعله عيد خير ومسرات
وللمسلمين يدوم عز وسعاده
عساه عيد أفراح وأمنٍ وخيرات
لأغلى وطن واعظم رجال وقياده