ربيع عمري

ما ترحمه نظرة عذول ولوام
مثل الأسير اللي بمنفاه مطروح
لي غمت عيونه وقيده بالأقدام
مثل السجين اللي فقد لذة البوح
من بعد مدة جاه حكم بالإعدام
أنا جمعت أحزانهم كلها بروح
وسميتها نبع العطش طول الأيام
أون ونات القهر وأرفض البوح
مضت سنين العمر والحظ ما قام
ربيع عمري روضة عطرها يفوح
وزهر الخزامى والنفل واحة أوهام
عجزت أماني العمر عن عيني تروح
آمال ثكلى وحلم باقي من أحلام
وعجزت قوافي الشعر لاحزاني تبوح
مل الورق همي وخانته الأقلام
ولو ينرسم للحزن وجه به وضوح
ملامحي تكفيك عن رسم رسام
قصة سنين ورثت حزن مفضوح
وحسرة شباب عانقت درب الآلام
شيدت من لبن الألم عدة صروح
بأول سماهن إنكتب شخص منظام
ما تقبل الحسرة تفاصيل وشروح
تهز أماني الحر لو طار ما حام
عنفوان