ضاعت الحيلة

قالها اللي بالهوى منك إنكوى
أنت وأنا كلنا لله عبيد
ما أحدٍ مجبور منا بالهوى
أنت في طبعك وفي كلك عنيد
شارب قلبي عنادك وارتوى
صح ناعم بس قلبك من حديد
أزعل أرضي كلها عندك سوى
أسألك بالله مني وش تريد
وأنت بيدينك قصر حبك هوى
ضاعت الحيلة معك ما من جديد
ولو بغيت احتال حيلي ما قوى
جيت لك حتى تعيش العمر عيد
وما نفع معك الدلال ولا استوى
شلت عنك الهم بالراي السديد
واحتميتك عن دروب أهل الغوى
كل ما ضحيت تطعن بالوريد
وكل ما عدلت مايلك التوى
صرت نار في حشا صدري تزيد
واقتنعت إنه تعذرك الدوا
وإن بغيت الراي والعلم الأكيد
ما أحد مجبور منا بالهوى
محمد بن عبد الله الرشيد - الرياض