للمملكة مواقفِ ترفع الراس

للمملكة مواقفٍ ترفع الراس
ياقل والله من بوقته وقفها
قامت بدورٍ فيه طيبٍ ونوماس
عسى ولي الكون يعلي شرفها
مضرب مثل بالطيب مع كل الاجناس
بالخير والانصاف كلٍ عرفها
هي نور ساطع يقتدى به ونبراس
على المعزه والكرامه هدفها
كم خلصت من وضع شايك وحساس
لبنان يشكرها ويشكر نصفها
قام ابو متعب طيب الذات والساس
يوم العدو بمسلحاته قصفها
نبه وحذر وانشغل كل هوجاس
من كلمةٍ بالعز كلٍ وصفها
قدم معوناتٍ بلا حد واقياس
ما يرجي الا من وليه خلفها
قايد حكيم ويملك اشعور واحساس
نفسه على حب الشهامه صرفها
وسلطان عضده كلما هب نسناس
لاجت عسيره بالسياسه عسفها
حكيم راي وبالكرم يكسي الناس
وكل النتايج مثمرات وقطفها
ذكر الحقايق للعرب ما بها باس
حكام ورثت طيبها من سلفها
افعالهم بالطيب ماهيب تنقاس
وفي وصفها ما والله آصل طرفها