ضحكنا ثم بكينا

ترى الدنيا ولو ذقنا حلاها
يجي يوم تقلب ما تبينا
تجيك أحيان تسعد لك حياتك
وتجيك أحيان ما ترضى تلينا
وتجيك أحيان تهدي لك فرحها
تقلب ثم تغير ثم تشينا
عصيناها عسى تركد وتسكت
وتزيد عناد لامنا عصينا
رميناها عسى صايب هدفنا
ونفشل في هدفنا لارمينا
عجيب أمرها دنيا الغرايب
يشيب الراس والخاطر حزينا
تقلب ثم تقلب ثم تقلب
بكينا ثم ضحكنا ثم بكينا
ترا الدنيا ولو عشنا هناها
نذوق المر لو فيها سلينا
ولكن الصبور أعرف وأدري
لجل يتبع دروب الصابرينا
يبي أجر الصبور اللي تحمل
وينعم في جنان الخالدينا
عسى الله يجلي الضيقات عنا
ويهدينا دروب الصالحينا