ما فيه فرقٍ بين حاكم ومحكوم

سادة موازين العدل والكرامه
من عهد (ابو تركي) إلى يومك اليوم
من يوم وحدها بسطوة حسامه
والشرع يحكم بين ظالم ومظلوم
وحنا بخير وعايشين بسلامه
وبعد الشقاء طاب السمر واهتنى النوم
وعقب الجهل بالعلم صرنا علامه
حتى ركزنا بالفضاء مجد ورسوم
وسرنا على درب النماء للزعامه
وسجل لنا التاريخ أمجاد وعلوم
واليوم نذكر (بيعة) أهل القوامه
اللي لهم مجد وتقاليد وسلوم
بيعة (مليك الدار) راعي الشهامه
وبيعة (أبو خالد) دواء كل مظيوم
بيعة وفاء والشعب زاد التحامه
مع قادته أهل الوفاء دايم الدوم
(عم الرخاء والامن شدوا حزامه)
وكف (الملك) بيضا بها الخير مقسوم
قلبه نبض للشعب باصدق مرامه
والشعب في ظل (الملك) عاش محشوم
كفٍ عطت للدار كل اهتمامه
طير السعد من فوقها يكثر الحوم
يبني مشاريع الرخاء طول عامه
عام تحقق به لنا عز وحلوم
وكفٍ مسح به فوق راس اليتامه
شفنا الفرح ضحكه على وجه محروم
(وولي عهده) دايم الابتسامه
شيخٍ يجي له كل ضايق ومهموم
حكمه وفطنه والعطاء والقرامه
(وسلطان) له قلبٍ على العطف مختوم
ولاباروا دعاة الفتن والرخامه
الشعب صفه واحد عقد منظوم
يكفي (مليك الدار) هزة إبهامه
نفز له مانقبل بطاعته سوم
(مليكنا) غالي وعالي مقامه
واللي يقول أغليه ما هوب مليوم
(متواضعٍ للشعب) دايم كلامه
(ما فيه فرقٍ بين حاكم ومحكوم)