باب الزيارة

يا صاحبي ذا الزمن وش فيه متغيّر
قليل بالناس تلقى واحد وافي
ضاقت نفوس البشر والفكر متحيّر
حتى القريب المقرب صار لك جافي
بالناس ذا الوقت قل الطيّب الخيّر
ون كنت محتاج جنّب دربك وعافي
باب الزيارة مقفل ما حد يسيّر
إلا إذا كان عندك حاجته رافي
تلقى أوادم تهقوى فكرهم نيّر
ون جيت للفعل تلقى عقلهم طافي
حتى الأخو مع إخوانه حبله أقصيّر
مشغول دايم بنفسه بس يا كافي
يوصف مع الأهل قاصر فعل وصغيّر
على الكسل عاش ما له فعل ينشافي
اسم الكسل تكتبه للبعض ونجيّر
نتعب ونشقى على شانه وهو غافي
ما هو على كيف ودك تقدر اتغيّر
تصنع نشامى لوقتك قلبها صافي
ليت الزمن للمعارف منصف مخيّر
تختار بين الأوادم صاحب وافي