أنا يتيم

انا يتيم الحب يوم الناس كل له حبيب
يفرح معه في فرحته ويشاركه معنى الحزن
وانا وليف الهم واللوعات والجرح العصيب
والدمعه اللي حايره بين المحاجر والجفن
وانا الذي عيت حظوظه لا تصيب ولا تخيب
ما عاد يفرق لو يطول العمر ويطول الزمن
ما ذقت من دنيا الشقاء والمر والوقت العصيب
الا المواجع والتعب والغضب وانواع الفتن
ما ضيع آمالي وكدر عيشتي الا القريب
اللي كوى قلبي بنيران التعاسه والغبن
صرت الوحيد بدنيتي بين البشر كني غريب
اتذكر اللي قد مضى وابكى مع صوت الشجن
والعله اللي في فؤادي ما يعالجها الطيب
يمكن يكون بعد الرحيل القى دواها في الكفن