دار المواليف

لا والله الا حان وقت الفراقي
واقفى حبيبي ما حصل منه توديع
اقفى على اللي لو دخل في سباقي
ياخذ على الرالي جوايز وتشجيع
روح لديرة مكرمين الطراقي
ديرة اخو مريم غشتها المرابيع
وحبٍ فقد روح الامل والتلاقي
راعيه ضايق والضماير مواجيع
جداه يرقى في طويل المراقي
ويون ونة من خسر له مشاريع
بيّع عقاره والغنم والنياقي
في سوق الاسهم ضيعَ المال تضييع
يزداد له في كل يوم اشتياقي
خشفٍ غرامه لوع القلب تلويع
باسباب غيبتها تكدر مذاقي
تارد همومي والروابع تناويع
ما طاب لك ما هو على طول باقي
قنعت بالحكمه وانا قبل ما اطيع
سقاك يا دار المواليف ساقي
دهم السحاب اللي روقه لواميع