هذا حبيب الناس نبراس الإحسان ساس الوفا من طيب خاله وعمه جاد وبذل من صافي الدم سلمان لين اختلط دم المواطن بدمه ابو فهد رمز الكرم عبر الازمان هداج للظامي وسيعٍ مجمه سيف الظفر صيته شهر طير حوران حلال عسرات القضايا المهمه شيخ زرع في نجد وردٍ وريحان حتى وصل للمجد صبراً وهمه متولع بالمرجله وين ما كان واليا مشى له بامر لازم يتمه حرٍ تعلَّى في سما الجود لاهان بدر تجلى وانحلت كل غمه شهمٍ معرب وافي العرف فهمان ليت مجرب وارتقى فوق قمه اخذ من اوصاف الموحد كحيلان عزمه وحزمه بالأمور الملمه عبد العزيز اللي حكم خير الاوطان وخلى العدو يمشي على غير يمه واعاد حقٍ فاته بحد شامان فوق النضا والخيل بالسيف لمه ليثٍ بساحات المعارك والاكوان ستر العذارى لابسات الازمه ومن بعد أبو تركي خذ الحكم فرسان سارو على نهجه بعدلٍ وذمه وياالله بنوا يسقي الارض هتان غيثٍ نزل من مزنةٍ مدلهمه حتى تصير المملكة مثل بستان ودار السعد وبل السحايب يعمه
