غياب المسرة

بدرٍ سعدت بطلته مطلع العام
من دون نوره حال ضوح المجرّه
عن مسمعي غاب وتنحّا له أيام
وعن خاطري غابت معاه المسرّه
ليت الحمام الي على حيّهم حام
ينقل خبر باللي جرى في ممرّه
يرتاح جفنٍ لاعه الهم ما نام
الا مقاطيفٍ تسوق المضرّه
كن بينها والنوم لوعات وخصام
موجات من الافكار كرّه وفرّه
وكل ما هقيت الحظ من مثبره قام
على الشقالي سلك الأوهام جرّه
للخلف واركان التباشير قدّام
ظني خطاء عاد الشقي في مقرّه
عزّاه من حظٍ فوائده الأوهام
جرّع خشيره حرّة فوق حرّه
راضين في ما قدّر الله والاحكام
هو الذي نرضى بخيره وشرّه
ويا غايبٍ عن مسمعي عدة أيام
عن خاطري غابت معاك المسرّه