المطاريش

يا الله ياللي عارفٍ مقصدي ويش
أنك اتسهلي طريق مشيته
يا مسيرٍ عبدك ورا لقمة العيش
ما فيه غيرك لا تضايقت جيته
أنت الذي بأمرك تهون المطاريش
وأنت الذي لأنهد بيت بنيته
طالبك يا رافع مقام الدراويش
ويا هادي اللي عن ضلاله هديته
تروي ظما كل القلوب العواطيش
وتجمع أقلوبٍ في زمنها شتيته
عساني آخذ من زماني عراميش
وتشوف عيني من هويت وبغيته
اللي غرامه شوّش القلب تشويش
اتسوقني دقات قلبي لبيته
جاله ورا حدب الحنايا خرافيش
ولمحت حبه فالخفوق وقريته
اللي محله سالمٍ ما بعد نيش
هذاك لو تقوى الدراهم شريته
أبا تريح من عنا الوقت وأعيش
يكفيني اللي في زماني لقيته