روحي معه

تبعدني أمواجه عن ضفاف يمه
بأسباب فرقي من هويته ومغليه
سيطر علي التفكير والبال يمه
لاطايل قربه ولاني بناسيه
أجهز على روحي ولاكن همه
وأقفى وخلاني وروحي تخاويه
روحي معه وأقرب من عروق دمه
والمشكلة حبي ماهو شاعر فيه
لاصد عني زود القلب غمه
وياليت يشعر في مشاعر مهاويه
ويروف في قلب عنا الوقت سمه
حبه بقلبي ياعرب من يداويه
ما ينتداوى حب فالقلب ضمه
وياعاذلين القلب والله لارجيه
لينن عمري ينتهي في متمه
ولاعاد يالعذال تطرون طاريه
ماني بسامع هرج عاذل وذمه
نصح يجي منكم عن الحب مابيه
كل يصون الهرج جوات فمه
ترى بوسط القلب مافيه كافيه
خلوا جريح القلب كلن وهمه
عفت الحياة العمر هذي تواليه
حالي خطير الموت يأتي يخمه
هذي حياة الحب واللي وقع فيه
مع شخص ما وفق على الود لمه
فيصل خالد الحربي/ القصيم