هذا الأمل كان رب البيت مهل له

قصيدة مهداة إلى صاحب السمو الملكي الأمير/ سعود بن عبدالمحسن أمير منطقة حائل- حفظه الله تعالى بمناسبة افتتاح الجامعة بحائل
الشعب يعرف عدو الشعب ويدله
انته وغيرك.. ويا ويله ويا ويلك
بانت لنا شلّتك ياريّس الشلّه
وان كان تقدر تعال اطلع مهابيلك
في هذين البيتين يختصر الشاعر الكبير حجاب بن نحيت مشاعرنا جميعاً تجاه ما أعلن عن المؤامرة الساذجة التي مازالت أصداؤها في الإعلام وتفاصيلها تناقش من قبل المهتمين على مستوى العالم وقد تفاعل معها شعراء الوطن منذ اعلانها وهاهو شاعرنا الكبير يكمل العقد في هذه القصيدة المعبّرة:
ياللي تفكر بجد بقتل عبدالله
أو ما تفكر بجد أو بس يطري لك
نفذ إذا تقدر التنفيذ هه يالّه
نفذ بنفسك ولا ترسل مراسيلك
ما تدري إنك بقتله تقتل الملّه
والعدل والحق تصبح من مقاتيلك
وكل القيم فوق الأرض تصير مختلّه
لا تحسب إنا نصفق لك وندعي لك
قتله كما قتل شعب المملكه كلّه
لا تحسب إنه رخيص العمر ياحليلك
هذا الأمل كان رب البيت مهلّه
تشوف فعله وما يخفاك يبدي لك
وهذا الذي لو تجيه من الله العلّه
ما نعرف إلا انت واعرف وش نسوي لك
لو كان ما هو من اللي سهل يحبل له
وفر حبايلك لا تصيدك محابيلك
الشعب يعرف عدو الشعب ويدلّه
انته وغيرك ويا ويله وياويلك
بانت لنا شلّتك يا ريّس الشلّه
وإن كان تقدر تعال اطلع مهابيلك
وشريكك اللي توصّي له وترسله
لابد من يوم تشكي له ويبكي لك
تدري وش اللي يقع لو نجحت الزلّه
بتحليل عقالنا ما هو بتحليلك
تولع الأرض تحت أقدام خلق الله
سبّة سواتك عسى الله ما يسوي لك
ابعد عن الخط الأحمر زود وافطن له
من قبل ما يقررون الناس تبديلك