كل ما جيت اكتب الشعر ضيعت القصيد والقوافي تختفي لاطرقت أبوابها لين طاعت لي غصب من بعد جهد جهيد وافتحت لي بابها واضحكت بانيابها يا قلم سجل حروف القصيد ولا تزيد ادرك المعنى ترى الفكر مني جابها ربع قرن عشتها يا عسى عمري مديد في سبيل الحق يالله تختم اكتابها والتجارب خضتها بالقديم وبالجديد لين اخذت اكفايتي وامتطيت اركابها غصت في غبات الايام بالعزم الاكيد لين شفت الناس واجناسها وانسابها كمك بهم من طيبين لهم راي سديد الشهامه والشرف والمغانم دابها قربهم عز ومعزه ومنهجهم رشيد كل من رافق هل العز نال اعجابها وكم بهم من خايب الراي والفكر البليد النميمة والردى دايم يسعى بها مضهره رجال لكن في قلبه صديد تكشفه لك كلمة ما يحسب احسابها ايتبسم لو يقابلك كنه يوم عيد والخوافي تفضحه لاكشفت اكتابها عشرة الانذال قلبي رفضها ما يريد لو عددهم زاد يغنيه قل اصحابها وعشرة أهل الطيب عزة وعروتها حديد لو تهب العاصفة ما تهز اطنابها راسية مثل البواخر على الموج الشديد والزوابع ما تغير هدف ركابها قاله اللي بالتجارب يفيد ويستفيد رافق أهل العرف والمعرفة يعنابها والصلاة اختام وأزكى سلامي من جديد على الرسول اشفيع الامة بيوم احسابها
