رعاك الله يا دار الوفا

يا مهبط القرآن
بلاد الأمن والايمان رب البيت يحميها
بلاد للعدالة والوفاء والمعرفة عنوان
يدوم إلها الرخا والعز تحت ظلال واليها
رحمك الله يا عبد العزيز موحد الأوطان
مؤسسها على التوحيد بالتوحيد بانيها
من الله العظيم المعتلي نطلب لك الغفران
إلك سيرة بطولة حازت المجد بمعانيها
عسى لك في نعيم الخلد يا رمز الوفاء مكان
بعد أمنتها وأوكلتها للي يراعيها
ويعيش إلنا فهد فهد العروبة مذهل العدوان
يعيش إلنا فهد قايد مسيرتنا وراعيها
مليك حاكم شعبه بنهج العدل والميزان
أبو فيصل اجهوده كلها تشكر مساعيها
حكيم الرأي إله منا الولاء والشكر والعرفان
بلدنا تحت راية كلنا بالروح نفديها
سديد الرأي زيزوم المكارم وافي الاحسان
مسيرة خادم البيتين منوره لياليها
ولي العهد أبو متعب رفيع المنزله والشان
على نهج الشريعه ما تهاون في مباديها
عضيد الفهد امين العهد وافي الوعد للصدقان
على الأوطان مثل الغيث هماله يساقيها
سمو النائب الثاني زبون الكايده سلطان
وزير الجيش ممنها وآمنه ضواحيها
ليا جا فالعلوم علوم جيشه كلهم شجعان
رجال تاخذ الجزله بايديها وتعطيها
وزير الأمن نايف راعي العليا مثل حوران
يسود الأمن من رايه ويأدب من يعاديها
وهنيئاً للرياض الغاليه بأميرها سلمان
تعذى من غلاه إلها وهو بالحيل مغليها
وطنا يا وطنا يا بلاد الخير والأمان
بلاد الخير وأهل الخير والشيمه بأهاليها
جنودك يا وطن حنا ولا يدخل بنا خوان
حفظك الله من زمرة شياطين تغويها
حفظك الله في ظل الفهد يا موطن الإيمان
عداك مقيده تلطم نواظرها بايديها
وتحيه للرجال الأوفيا في مهبط القرآن
بلاد الأمن والإيمان رب البيت يحميها