دار الوفاء والكرامه

يا دار يا دار الوفاء والكرامه
والأمن والإيمان والعدل والدين
يا منبع الإسلام والاستقامه
يحميك من نزل تبارك وياسين
مكون فسيح الكون منشي غمامه
اللي بفضله شرفك بالحرمين
يا دار من تكدير صفوك مرامه
مدحور يا قبلة وجيه المصلين
العز بربوعك يرفرف حمامه
دونك ارجال بالمواجيب وافين
يا دار من عاداك حنا كعامه
يفقه فقيه إنك على الرأس والعين
يا دار والله ما نعبر كلامه
وإنك عليه أبعد من الهند والصين
من دس رأسه مثل رأس النعامه
يبقى طويل لسان وقصير ايدين
يا دار أبو تركي فريد الزعامه
والله فلالك غير نسله سلاطين
حكمه بهم رب المخاليق دامه
صانوه وافين الذمم الميامين
في عهدهم كل شعر باحترامه
شعب وحكومة كل ابونا متساويين
عيال من ثبت دعايم نظامه
خيرت هل العوجا كعام المعادين
حنا السلوم السامية والشهامه
يصدق وعدنا لا غدر بك ذميمين
من خان عهده بشره بالندامه
جاحد جميل وتابع للشياطين
مكفر المسلم محلل حرامه
الله حسيبه يوم عدل الموازين
وما قل دل وما بديته تمامه
صلوا على خاتم جميع النبيين