الشعب كله مع فهد سيف ونصاب

ياالله يا معبود يا رب الأرباب
ياللي خلقت الآدمي بشر من طين
يا ناصر عبده على جمع الأحزاب
وبأمرك نصرت الدين في بدر وحنين
اغفر لنا يا غافر ذنب من تاب
يا منزلٍ سورة تبارك وياسين
واحفظ بلدنا من صواديف الأسباب
في ظل حكاّم حموا حوزة الدين
نجدد البيعة لعربين الأنساب
إمامنا عادل ولأمره مطيعين
الشعب كله مع فهد سيف ونصاب
بحكم الشريعة لا لحكم القوانين
وولي عهده للنواميس كسّاب
اسمه وفعله للبطولة عناوين
طبيب من عيّت تداويه الأطباب
خير على شعبه عدو المعادين
والنائب الثاني محله ليا غاب
سلطان واخوانه ملوك وسلاطين
رجل حكيم الرأي حلال الأنشاب
يلقاه من ينصاه في العسر واللين
ونايف لعين مخالف الشرع مشهاب
وارحم من الوالد على المستقيمين
ورجال الأمن حراس في كل مرقاب
والأمن أمانة في يدين الموامين
اخسوا خسيتوا يا خفافيش الارهاب
لا تحرقون نفوسكم يا مساكين
النار لو تشب فوق الحجر ذاب
وانتم فراش لشعلة النار ضاوين
قواتنا دون الوطن درع وحجاب
جيش وحرس مع الأمن مستعدين
ما يرحمون اللي عن العدل هرّاب
المجرمين المارقين الحقيرين
ناداهم الشيطان وابليس كذاب
والويل للي يتبعون الشياطين
اللي دفعهم خاب واللي معه خاب
عقولهم غسلت وصاروا مجانين
ضيف الله سويلم العتيبي /عميد متقاعد - المدينة المنورة