عيدك فرح

من العايدين . . من الفايزين . . عيدية شعرية يزفها شاعر رائع لقراء مدارات
عيدك فرح عيدك صباح وتباشير
يسعد مساء عيدك وصبحه ويومه
لعلها ياصاحبي لك مسافير
لو ان نفسي من لقاك محرومه
ليت الغلا عنده جناحين ويطير
واقول روحي في بلدك معزومه
الناس تضحك والشقى حالته غير
لو قالها جاهل صدقه لا تلومه
يبين في وجهه من الوجد تعبير
جرحه نزف لو استرنه هدومه
صاحبك ناسيه الفرح من هو صغير
ماجاه عيد الا سرق منه نومه
وعزاي أقول مفارقك لي مقادير
العيد دونك ما تجمل علومه
وعيدك فرح عيدك صباح وعصافير
يسعد مساء عيدك وصبحه ويومه