عشت للطيب رمز

طلعتك يابو خالد مطلب للجميع
غاية الناس شايبها وشبانها
نحمد اللي عليك اضفى شفاه السريع
نحمد ونتشكر مجلي احزانها
وارفع ازكى التهاني للمقام الرفيع
للملك خادم البيتين واركانها
ولولي العهد حامي حمانا المنيع
له ازف التهاني باروع الوانها
عمت المملكه ليله فرحها البديع
امرحت تنتشي للمجد حجانها
تباشروا بالخبر ساعة قراه المذيع
بساعة اخبارٍ اسمك كان عنوانها
بكافل الأرمله وابو اليتيم الرضيع
ابن منهو شكته الخيل وعنانها
ضحكت نجد لك يا شيخ ضحكٍ فضيع
وحق لرجالها تفرح بسلطانها
كن وادي حنيفه يغتشيه الربيع
والخوابي تقول جداد غدرانها
افرحت بالحليم ابن الحكيم الشجيع
مكه وطيبه وما حول وديانها
وشرقي المملكه شمالها ريع ريع
باركت للجنوبيه وضلعانها
عشت للطيب رمز تشتري ما تبيع
تشتري الطيبه لو غليت اثمانها
فيك جزل القصايد يا بو خالد تضيع
ساحتك يتعب الشعار ميدانها
وكل شاعر يكتب ما يقدر ويستطيع
والقوافي تروض عند فرسانها
واختتمها على محمد نبي شفيع
حق صلوا على من دعوته صانها
ناصر بن سعود بن دحيلان السهلي