الحيا والسفور

يا خسارة يا جمالٍ به سفور
حرت والله يوم شفته من حلاه
توها والله في سن الزهور
ولبسها عاري وثوبه ما كساه
خدها والله كابدر البدور
بس ينقصه الحيا هو والعباه
حطة المكياج مع زين العطور
قلت له بس من يدري عن الوحل وثراه
قلت له ليه الحلا هذا يبور
قالت الموضه ولا أدري وش وراه
قلت ترى الحر من طبعه غيور
والحديا ما تقلد مستواه
قالت إنتي ما تحبين السفور
قلت أنا دره وغالي مشتراه
عايشه بالدين وانعم بالسرور
والجواهر دايم يحكم غطاه
قالت قولي واطلبيني للحضور
واترك الموضه وأخلي من بغاه
وأطلبي ربك ترى ربك غفور
ومن طلب ربه يحقق له مناه
منجي ذا النون من غب البحور
يوم حوت القرش في بطنه كلاه
يستر الزلات في يوم النشور
يوم كل الكون في قبضة يداه