أهل الضلالة

يا شباب اليوم جاء وقت الجهاد
عن وطنكم جاهدوا واحموا حماه
الوطن والدين وأعراض العباد
حفظها واجب وخدمتها مناه
يا جنود الفهد جاء وقت الحصاد
جاء لزرع الشر من يقطف جناه
ابذلوا الأرواح في وقت الشداد
من سعى للموت توهب له حياه
جاهدوا راع الضلاله والفساد
واقطعوا بالسيف هامات الجناه
كل واحد لازم يعد العتاد
لو على وكر الخنا يرمي حصاه
من حيا منكم على درب الرشاد
الله اللي وفقه واللي هداه
ومن يموت شهيد والجنه معاد
فاز بالرضوان كان لله عطاه
امرنا لله ولله المعاد
منه سبحانه واليه المنتهاه
من يفجر خص في هذي البلاد
خارجٍ عنا وحنا ما نباه
استمع لاهل التباغض والعناد
جاوب الشيطان يوم انه دعاه
ما درى ان الدار تحميه الجياد
فوقها آل سعود والشعب بعصاه
دونه الموت الحمر علمٍ وكاد
كايدٍ ما هو يسير لمن بغاه
يا عظيم الشان يا رب العباد
احفظ الأوطان من كيد العداه