الله يهنيك.. طبت وطابت السيرة

قل للوطن لا يحسب الوقت ويعده
سلطان طيّب.. وهذا الخير والخيره
وعلم رياض السعد لا يحسب المده
لا ينشعل من لهيب الشوق والغيره
هكذا يقول الشاعر المعروف ضيدان المريخي بتصوير شاعري جميل يجسد مشاعر الوطن كله تجاه سلطان الخير والإنسانية وفي بقية القصيدة صورة أخرى لتلاحم الشعب ومواقف الوفاء والولاء والفرحة الكبيرة بسلامة سموه حفظه الله:
ارتاح قلب الرياض وعّيّدت جده
من يوم ليل الفرح بانت تباشيره
والصبح ينقض شعاع الشمس ويكده
والطير يصدح بصوتٍ يبهج الديره
والليل طرز من نجومه على قده
ثوبٍ نشوف الثريا فوق أزاريره
يا صوت تلفازنا هذا الخبر رده
صوتك على نفوسنا يا طِيْب تأثيره
قل للوطن لا يحسب الوقت ويعده
سلطان طيب وهذا الخير والخيره
عَلّم رياض السعد لا يحسب المده
لا ينشغل من لهيب الشوق والغيره
يا سيد الجود طبت وزالت الشده
والشكر للواحد المعبود ما غيره
ثوب العوافي عليك يدوم بالجده
في قدرة الله وتوفيقه وتيسيره
سلطان يمك قلوب الناس منشده
يا فرحة الوقت لا جاء فيه تكشيره
كل الايادي لرب الكون ممتده
يالله تعافي لنا سلطان وتجيره
يا مير قلبك كبير ولا عُرِف حده
ما ينعرف كثره ورده من مصاديره
خيرك وعطفك يزيل البأس ويضده
والله يهنيك طبت وطابت السيره
سيل من الحب يمك ما وقف مده
ما جف نبعه ولو طالت مشاويره