لولا المشقة ساد الناس كلّهمُ الجود يفقر والإقدام قتّال لا تعليق ولكنهم آل سعود، ملوك الجزيرة وسادتها والصفوة منهم معروفون لم يفقرهم الجود ولم يقتلهم الإقدام، بل ازدادوا رفعة وعزاً. ما حدا بي لهذا القول هو ما قرأته في (الجزيرة) الجريدة السعودية السبّاقة والناشرة لكل ما يسمو لعز هذا الوطن وأبنائه.. لقد قرأت ما نشر على لسان (شربل مزهر) اللبناني الذي فقد ولديه في تفجير مجمع المحيا بالرياض وكاد أن يفقد نفسه وكل شيء لولا عناية الله ولطفه ثم وقفة أول الواصلين إلى الحدث ذلكم هو الشبل ابن ذلك الأسد (عبدالعزيز بن الفهد)، فيا له من بطل سليل أبطال غرّ ميامين. وش قال مزهر؟ يا ولدْ.. مزهر واحد من ناجد السعه: ما قال إلا شيء شافه وسمعه: قال.. شفت الشبل ابن الأسدْ.. شفت عبد العزيز بن الفهدْ.. يوم انّه تنجّد سلاحه ومشى.. ووايق من فوق كبري لبن وشاف المحيّا يوم انهم فجروه وشاف العجب..!! وسمع الرصاص.. لعْلعْ!! والثكالى.. والحزانى.. وكل شيء تهاوى! وانصدعْ! عبدالعزيز.. ما توانى ولا رجع.. اختلط مع الناس يبي يشوف وش اللي حصل واللي جرى وهو ما درى!! إن (مزهر) فقد بنت وولد.. في عمر الزهور.. وشكل الطيور.. ومزهر يموت.. ويردّد من تحت الركام! الله أخذ والله عطا.. قالها مزهر وسمعها عبد العزيز وجاوبه مدّ يدك عشان أساعدكْ وانقذكْ وحنّا لك الأهل وحنّا لك الولد.. مزهر.. ساكن ويعمل في هذا البلد اللي انجب عبدالعزيز بن الفهد مزهر.. ما درى أن الفهد واخوان الفهد وابن الفهد وكل أهل البلد يفدون مزهر وسكان هذا البلد مزهر شهد.. ما هو منافق! ولا وصولي.. ولا انتهز! مزهر.. تعجّب وقال.. كيف أرض الحرم؟ وارض الأمان.. وديرة أبو تركي اللي زوّدها أمان وخلاّها بأمر الله الذيب يرعى مع الغنم تستباح.. وتنتهكْ فيها كل أقداس الحرم آه يالحرم (وين اللي مشى فيك حافي القدم) وبن أبو بكر ووين علي ويّا عمر وين ابن الزبير اللي صُلبْ وين تركي وسيفه اللي سماه الأجرب وهو ما جرَب الله يا أرض الحرم الله يا أعلى القمم ... مزهر.. أبشرك واعلّمك إن الفهد واخوان الفهد وابن الفهد هم العوض في اللي انفقدْ في بنتك الحلوة وفي الولد وان البلدْ.. كل البلدْ.. معنا ومعك والله معك.. ... مزهر.. ارجعْ وراجع تاريخ هذا البلدْ.. واعرف.. انه لولا المشقه!! ما ساد الفهد واخوان الفهد وابن الفهد واللي قبلْ من أجداد الفهد يوم انهم طرد وطرايدْ.. ما بين حرار وعبيد! وبعدها تحرّروا كل العبيد وصار الجميع عيال أبو تركي الحر الصليب الله عليك يا ساكن العود القريب ما كنّك الا قريبٍ بعيدْ مزهر (عليك العوض) وحنا هلك وكل من جانا في الرياض الحبيب مزهر يا بعيد ويا قريب ويا حبيب ناصر بن جريد
