فخر البنت بحياها

يا رب أنا عيني تزايد عناها
كني بكرّ والمخاليق في فر
الله على ناس تبرِّر خطاها
مغويهم الشيطان ودروبهم شر
تجاره الأخلاق وشهو دواها
والورد مابه ريح من دون منظر
بنت العرب كانت قمر في سماها
واليوم في كل المحافل تبختر
قليل منهن تفتخر في حياها
ومتمسكة بالعرف والدين مخبر
ماهيب سلعة من بغاها لقاها
وتحرص على الحشمة ودايم تستر
بعض بنات اليوم وشهو بلاها
تلبس لباس الغرب حجة تحضر
نسيت أن الله رفع مستواها
وسمَّى بها (سورة) ولا بد تفخر
وتراجع السيرة وتلقى سواها
شيد لهم الاسلام تاريخ يذكر
قادت جيوش وعلمت في خباها
ما عاقها وشاركت كنها الحر
اعلامهم همّش وعكّر صفاها
وصارت جسد وقلوبنا له تفطر
وش حلها لا صار شالت عطاها
ورمت عبايتها وقامت تمنظر