للفهد منا الولاء

عاشوا رجال الأمن والأمن ساد
في ربوع المملكة نامن جميع
ومات من ينوي بها شر وفساد
دارنا من دونها حصنٍ منيع
دام أبوفيصل فهد للشعب قاد
كل نقطة حقد قدامه تضيع
بالسياسة والرياسة والسداد
ما يزعزع أمننا فعل الصديع
المخرب يوم خرب ما استفاد
فاسق دجال ما احدٍ له يطيع
حاقدٍ قلبه لعب فيه السواد
واليهودي يشتري فيه ويبيع
وناره اللي شبها صارت رماد
وطاح تحت السيف والحكم الشجيع
وللفهد منا الولاء والعهد زاد
جدده شعبه وذاع به المذيع
وكلنا له لا دعانا للجهاد
الولد والعود والطفل الرضيع
الوطن حبه تغلغل بالفؤاد
والوطن وبن الوطن شانه رفيع
ودون حد المملكة علمٍ وكاد
شبر واحد من وطنا ما يضيع
ويالله المعبود يا وال العباد
تنصر الإسلام يا الله يا سميع