خوف الهقاوي

ما صارت حياتي بين أياديك
أنا كيف أبنسى ماضيٍ فات
وأنا كل يوم أنسى وأنا ديك
بعد غيبتك عشت المتاهات
وقلبى معي. ما ادرى مخاويك
خيالك معي في كل الاوقات
أجيبك غلا. واحيان أوديك
حاولت اتخذ كل المجالات
أبنساك واتعب زود واغليك
ياكثر العذاب وكثر الابيات
ويا كثر الحلوم اللي تناجيك
ويا كثر الجروح وكثر الآهات
ويا خوف الهقاوي من هقاويك
ويا طول الليالي والمسافات
ويا بعد الاماني والأمل فيك
عموماً ولو ما به مسرات
ولو عنى المكتوب حاديك
ما عندي حلول ولا خيارات
أخليك. لا والله ما اخليك
عزيزة القوافي