يا الله عسى الجنه مقره ومثواه

في رثاء الفقيد علي بن عبدالعزيز الداوود رحمه الله
يا الله يا المعبود يا خير معبود
ترحم لشيخ تفعل الطيب يمناه
الخير اللى من هل الخير معدود
هلت دموع العين ساعة قبرناه
يا الله عسى قبره بساتين وورود
ندعيك يا اللي تسجد الناس لرضاه
الطيب اللى يبذل الطيب والجود
يا الله عسى الجنة مقره ومثواه
واللى كتب للرجل ما عنه مردود
ينحاس بالى كل ما حل طرياه
ما كل رجال ليا مات مفقود
أبو فهد عز الله إنا فقدناه
من بعده عياله بها الجود ما جود
تمشي العود من طيب ما جناه
عندي على قولي براهين وشهود
أقولها بأول كلامي وبتلاه
وصلاة ربي عد ما حنت رعود
على نبينا الهاشمي اللي تبعناه