الصيف

الحرف والمعنى ونظم القصايد
قصّه توردها القوافي على الكيف
الهرج لو ينقص يجي فيه زايد
لك وصف ما يرضيك كل التواصيف
لبّستك نجوم السماء لك قلايد
ورقّيتك المرقاب فوق المشاريف
دلّعتك بدنيا الترف والزوايد
حتى قصيدي فيك ما جاه تزييف
ولّعت في جوفي سعير الوقايد
أشعلت نار الحب بين السراجيف
كانك تبي فرقاي وقت الشدايد
من طاري الفرقا تموت المواليف
ما يروي الظميان صوت الرعايد
ولا ينفع الغرقان ذكر المجاديف
قلبٍ على طيبه يشوف الزهايد
من واحدٍ زوله له سنين ما شيف
وين الوعد يا مخلفين الوعايد
الصيف راح وندخل اليوم بالصيف