أصناف الأشعار

دام الطلب لاصناف الاشعار مسموح
والعشق والمعشوق كثرت شروحه
هذا السؤال اللي للأفكار مطروح
سؤال وارجو بالسؤال السموحه
الشعر بابه للشواعير مفتوح
وكلٍ يعبر عن هواه وطموحه
وصحيح فن الشعر تعبير وشروح
لكن ماكل يحقق نجوحه
احدٍ يجي نظمه منقح ومملوح
واحدٍ يعالج بالتماني جروحه
واظن ماله بالتماثيل مصلوح
خص الذي ماله حبيبٍ ينوحه
عشقه خيالي بالعنا يجي ويروح
يسري على المصباح لاشاف ضوحه
وعشقٍ بلا عفة سذاجة ومفضوح
لو صار له في معرض الغزل لوحه
بالعشق والمعشوق لايشغل الروح
تراه جاهل علمه يانصوحه
ان طاع وإلا قدمه الدرب مبروح
يسرح وترجع بالسلامة سروحه