الوطن غالي علينا

لو يصير الباطل جبال صار الحق ليل
والجبل لو صار عالي ترى الليل يغطاه
لين ترجح كفة الحق بالوزن الثقيل
وكل خاين ضيع الحق ما حقق مناه
ما نجامل في وطنا ولا نقبل عميل
وان جفابه جاهل الدين غيره ما جفاه
ما نشا في ديرة العز نكران الجميل
لو يحاول كل حاسد ترى الشعب يعصاه
والوطن غالي علينا ولا نرضى بديل
لو بذره من ترابه ونسمة من سماه
مستحيل نجامل أهل التطرف مستحيل
مستحيل نخون حضن نشينا في دفاه
وعلمانا فيهم الخير ممشاهم دليل
في دروب الدين والشعب ممشاهم مشاه
دولةٍ قامت على الدين والخلق الفضيل
لين ماتت بذرة الشر في طور النواه
من يحاول زعزعتها ترى ليله طويل
ماشي له في طريق فناه بمنتهاه
في قيادة من حكم عدل عدله ما يميل
قادها للخير والعز والوالي عطاه
من يعادي دولة الدين ما حصل حصيل
ما ماشى الا في هلاكه وفي سعيه فناه
وكان صار الباطل جبال صار الحق ليل
والجبل لو صار عالي ترى الليل يغطاه