دار الوفا كلنا دونه

مهما يسوون مصيونه
تزيني بالذهب والماس
وسكانك اللي يصيغونه
ولا يهمك اللي بهم وسواس
وابليس دايم يطيعونه
عصابة الشر والانجاس
الدين لا ما يعرفونه
يا شلةٍ خوفت للناس
في كل الاعراف ملعونه
يا شرذمة ميت الإحساس
عليكم من الله العونه
تقتيل الاطفال والحراس
في شرعكم وش تسمونه
وقتل النساء والقهر والياس
منهجكم اللي تحبونه
قتل الاوادم لكم نبراس
وافكار بالسم مدفونه
لكن ياهل الردى الاخساس
دار الوفاء كلنا دونه
بلادنا شرعها نوماس
في عز الإسلام مامونه
ولا همها فعلة الادناس
اللي بلدهم يخونونه
في ظل من هو عريب الساس
الحاكم اللي يسمونه
فهد فهدنا قوي الباس
كل العدا ما يكيدونه
نفداه بالروح دون قياس
ومن يغلي الشعب يغلونه
والدار بحماه ما تنداس
والعاصمة دوم مصيونه
حمدان الرقاص العتيبي /محافظة عفيف