وحيد حبي

يا ليت لو تسأل عن أحوال مغليك
صمتك ترى لو طال ما يمكن أنساك
ما هو بطبعك لكن اليوم وشفيك
ودي أعرف أسباب صدك وجفواك
لك في خفوقي لهفةٍ مع تجافيك
واسأل عنك اللي من الناس يلقاك
إن كنت أنا غلطان والله لراضيك
مقدر أعيش العمر لحظة بلياك
وحيد حبي شمعة الروح مخفيك
بداخل عيوني وأرخص الروح تفداك
كل المشاعر في غيابك تناديك
في كل وقت مر بالقلب طرياك
أرحم بحال اللي من الناس يرجيك
ولا هو مفكر يوم والله بيجفاك
هذا ضميري من معانيه يهديك
شعر يوصف حالته يوم فرقاك
لا تفتكر إني أنا أكون ناسيك
صمتك ترى لو طال ما يمكن أنساك