راح الفقيد

هذه القصيدة في رثاء الصديق المخلص المغفور له بإذن الله صاهود بن مقحم بن عويض المطيري
يالله ياللي كل عين تراعيك
تسهر لمرضاتك وتشكي شقاها
رب رحوم دوم ماخاب راجيك
تربط على نفسي وتحسن عزاها
صاهود ياللي كل ما ذكر طاريك
نعم ونعم ولا كلام وراها
الزرع ينبت يالولد في مماشيك
من حسن سيرة صاحبي يا ملاها
تركتني صاهود والعين تبكيك
والهم واللوعات زادت بكاها
راح الفقيدة جعل ربي يهنيك
في جنة المولى ويشربك ماها
الله على طيبك وفعلك يجازيك
يا صاحبٍ دروب القشر ما مشاها
وياسامع قولي ترى الموت واطيك
تدور دايرته ويطحن رحاها
لاجابوا الدكتور ثم قال وشفيك
ما عاد فيها فود والموت جاها
تشفع لك أعمالٍ تبين حسانيك
كان اتقيت الرب هذا دواها
هذي نصيحة خير ما كنت أبهديك
من نفس شاعر بينت لك وفاها
والمعذرة أن كان فالقول تفكيك
بعض القوافي ما تبين خفاها
وصلّوا على محمد نذيرك وداعيك
لرسالة الرحمن بأعلى سماها
خالد ذياب عبدالرحمن الدغيلبي - المجمعة