فيصل وهذا الأب راس مالي

إهداء لوالدي الغالي
يا كبر هالدنيا في عيون مغليك
ويا صغرها لاصرت ما أنته قبالي
الله يديمك ذخر والله يعافيك
كم ليلة تسهر عشان العيالي
يا رمزنا الغالي ويا فخرنا فيك
ياللي تفاخر بك قروم الرجالي
عزيتنا من زود عزٍ يباريك
لأنك على الدنيا عزيز وغالي
قلبي خلقه الله ومتولعٍ فيك
فيصل وهذا الأب راس مالي
علمتنا وأوفيت نشكر مساعيك
حتى تعلينا على كل عالي
هذي لطيفة تطلب الله يحميك
بأبيات شعرٍ ما دخلها هزالي
خلدتها لأجلك وبالموت نفديك
لأجلك يابو ماجد تصاغ الغوالي
عز الله إني عايشه وميته فيك
لأنك ملكت القلب من أول وتالي
يا كبر حظ الثرى في خطاويك
والحظ بيد الله عزيز الجلالي
تشهد لك الأيام وتشهد مماشيك
بأنك تطول اللي صعيب المنالي
ثابرت لاجل العلم ما فيه تشكيك
وانته مثال الأب نعم المثالي
يا فرحتى لا جابوا الناس طاريك
يطلق حجاجي يا كريم السبالي
كم واحد يسمع فعولك وطاريك
ويطرى على باله بيوتٍ جزالي