(في منطقتنا فرح وورود منثورة)

تتشرف محافظة الدوادمي باستقبال صاحب السمو الملكي الأمير سلطان بن عبدالعزيز آل سعود لافتتاح مطار محافظة الدوادمي ومزيداً من التقدم لتلك البقعة الغالية من بلادنا العزيزة طلال بن هذال بن نشار منطقة الجمش

اليا دعيت القوافي جات مسروره
تسابقت بالطويل النادر الضافي
في مدح شيخ الشيوخ تجيك ميسوره
تنساق كل البيوت ونبعها صافي
سلطان اللي ملكنا بأحسن الصوره
شيال كل الحمول ثقال وخفافي
تباشرت به فيافي الشعر وبحوره
واليا ذكرته يقول الطيب لي كافي
طير السعد والحباري منه محذوره
حرٍ تعلا الحرار براس مشرافي
استبشرت به فياض الدار وقصوره
عينٍ غطا للأمير وعينٍ الحافي
المجد مجده وكل بيوتنا دوره
هو طير حوران عزه بالسماء طافي
في منطقتنا فرح وورود منثوره
والطفل يهلي وكبار القوم وقّافي
من الدوادمي لعرجاء ونجخ وسروره
المنطقة كلها ترحيبها وافي
كلٍ يرحب براع الحفل وحضوره
بشيخنا اللي تعلا راس مشرافي