المعزة

وصدك عن اللي يعتني بك رداً منك
اللي يعزك لازم أنك تعزه
وتعلن معه طول الليالي تضامنك
لا صار في لازمك عجل مفزه
أكبر خطية في لزومه تهاونك
والصاحب اللي صحبته بس رزه
مثل العدو اللي قبل ساكتٍ عنك
لا تجرح شعوره ولا تستفزه
ترى الكلام الشين عنده يشينك
للهرج حزات وللصمت حزة
ومن لا يعرفك معرفة ما يثمنك
وأهل النفوس اللي قبل مشمئزة
ابعد ضعنهم لا يقارب ضعاينك
وإن كان عينك كل دربٍ تقزه
اعرف ترى غيرك عيونه تعاينك
علي الخالدي