كل حياته توقف عند مكتوبه

سود الليالي بغيب الوقت مقفيه
ولا أحدٍ درى وش يجي للحظ منصوبه
يسبح وأماله على الاحلام مبنيه
والعمر حتى الثواني منه محسوبه
دنياً فرحها على المخلوق عاريه
لابد يومٍ عليه السود مقلوبه
والحكم لله ولا بيديننا شيه
الواجب اللي علينا نخلص التوبه
حنا على درب حي فات طرقيه
وكل حياته توقف عند مكتوبه
واللي على الله رجاه ويحسن النيه
يرضى عليه الولي ويكفر ذنوبه
المطلع ما عليه اسرار مخفيه
كلٍ عرف منهجه بالكون واسلوبه
وادخل على الله من اللي سيرته سيه
وان حل طاريه قالوا له على الكوبه
واختم كلامٍ حروف بيوته اشويه
لاشك هادف وهذا كل عذروبه