مبروك يا نادي المهمات

هذي البطولة وما هي لك جديدة
عودتنا دايم نيل الصعيبات
هذي وهذي وشرواها عديدة
عزمك قوي ما تبي غير الجزيلات
والأمر اذا صار تافه ما تريده
رفعت رأس المشجع في الطويلات
ومن كثر فوزك جماهيرك سعيدة
عندك ادارة حكيمة ما تبي اثبات
وعندك لعيبة مهاراتهم فريدة
يابومحمد لك من الفضل آيات
من بعد فضل الله آرائك سديدة
هذا بعض ما لجاء في الجوف والذات
حببتنا نشره بوسط الجريدة
عبدالرحمن الدوسري
الخرج الدلم