ليالي الذكرى

تبي تقفين يا روحي وأنا مالي بدالك روح
ترى درب الفراق اظلم لحالك كيف تمشينه
تبي تقفين والدنيا تلاوع قلبي المجروح
وصرخات الزمن تفجع وقلبي فاقده وينه
ترى قلبي ينادي لك وصوته اسمعه مبحوح
وخوفه ينكشف سره تجينه ظلم تكوينه
رويتي قلبي الظامي بدمع يلتجي ويروح
واذا رحتي يجف الما وتمحل به شرايينه
سكن بك حبي بلحظة.. لك بقلب الشقي مصلوح
وأنا عشتك ليالي هم.. ذكرى صعب تدوينه
عليك الله لا تقفين واخفي سري المفضوح
وقلب كان في صدري غدا بيديك تلوينه
تراه الرفق به واجب ولا أبي هالفراق يلوح
ولو تقفين يا روحي.. أمانة لا تخونينه