أبدا بذكر اللي نصر راية الدين الواحد المعبود رب العبادي أهدي تحية ترفع الراس وتبين تحيةٍ تعبيرها من فوادي أطعم حلاها مثل تمر البساتين وعطرتها بالورد مسكٍ وكادي وحنا لعزك يا وطنا مهنين ونلبس لأجل عزك ثيابٍ جدادي بفرحة وفاء تفرح من الناس مسكين وفرحة وفاء تضحك رضيع المهادي واهدي سلامي بالوفاء دون تعيين لشعبنا الميمون حضر وبوادي ومني لبو فيصل كبير السلاطين فهد قوي الباس فخر البلادي شهم كسر روس البلا والشياطين أركى على العدوان خشم الزنادي قاد الوطن والدين فالعسر واللين خلا لهيب اللي يعادي رمادي ويشهد على قولي كبار الميادين اللي يجي فيها صباح وهجادي ومني لبو متعب تحية محبين تحيةٍ ولها المشاعر تنادي شيخ صمد قدام وجه المعادين وحنا لبو متعب عضود وعتادي يحكيبه التاريخ وسط الدواوين هذا الكلام المعتبر والوكادي ومني لأبو خالد تحية مودين سلطان حلال العقد والقيادي قايد دفاع ومن كبار الفهيمين يعرف دروب الطيب ما هوب غادي صارم وحازم من رجال حكيمين علمه صريح مثل حد الهنادي وحنا على شبه الجزيرة مقيمين قوم لنا عز وسلوم ومبادي يا مملكتنا عندنا ما تهونين أنتي محبتنا وكل المرادي دار عزيزة كل أهلها عزيزين نبذلها الغالي بكل اجتهادي إنتي لنا وحنا لك اليوم فادين والحرب دونك هو شرابي وزادي شانك كبير ولا يبيله براهين يفداك يا داري قصير الأيادي حب الوطن ما هو حب المزايين نفداه يوم المنادي ينادي وحنا على قو الترابط وثيقين وإلا التفكك مصدر للنفادي وحنا على نهج الشريعة مطيعين نقطع عروق الشر ويا الفسادي والدين حق وبالعدالة حريصين وحنا على الإسلام دون انحيادي
