نايف عريق الطيب في كل سيره

يا شعر لا تذخر قبل وقت الأسحار
اليوم يومك جعلها لك سفيره
اللي لفا عز الوطن واف الأشبار
نايف عريق الطيب في كل سيره
يا مرحبا منا من صغار وكبار
لك السلام يساق.. ورد وعبيره
صدق المشاعر والمعاني بالاشعار
حلو القوافي والبيوت العسيره
لك تنكتب يا أميرنا الوافي البار
عذب القرايح في غيابك سهيره
يا سيدي ماجور يانسل الأحرار
يا الله عسى في الأمر خير وخيره
نايف لنا ضلع مثل ضلع سنجار
صرح يذري والمواقف كثيره
مواقفه تثمر بساتين وأشجار
الشامخات الوافيات المنيره
الطيبات اللي لها علم وأذكار
البينات المعجزات الكبيره
شهم سعى بالخير أمرار وامرار
رجل الأمن يحمي حدود الجزيره
رجل القياده والسياسه والأفكار
ابن الزعيم اللي يقود الجزيره
لك الوفا منا محبة ومقدار
لك الثنا يا أمير من كل ديره
تسلم لنا يا سيد الطيب والكار
ما دمت سالم ما علينا قصيره
كفك نداها مثل همال الأمطار
فيك الندى والجود شيمه وغيره
نجد العذيه ترمي ورود وأزهار
بقدومكم تبدي عليك السريره
غنت طرب لك المدايح بالاسطار
والشعب بالفرحة يواصل مسيره
عساك تسلم من صواديف الأقدار
كبير شعبك قالها مع صغيره
ناصر بن كروز بن سرحان المنيخر