الموت كُلٍّ صايباته سهامه

سلمان يا اللي كلنا اليوم نفديه
افديه وادعيله بطول السلامه
ما اكبر مصابه في مصابه نعزيه
يحسن عزاه الله ويرفع مقامه
بالصبر والسلوان يا الله تسليه
بفراقه من روَّح وبقي احترامه
مرحوم يا امير عسى الله ينجيه
ينجيه من أهوال يوم القيامه
احمد فقيده واغلب الناس تبكيه
ابن الشيوخ اهل الكرم والشهامه
لو اللحد يعرف من اللي ينزل فيه
كان افتخر به لين تبلى عظامه
ذاك الجسم لو يعرف الدود راعيه
ما ياكله لا جاه تحت العدامه
الطيب اللي قدم الطيب بيديه
لا قال قول الفعل ثبت كلامه
لكن ذا درب وكل بيمشيه
الموت كل صايباته سهامه
يالله يا اللي دايم الناس ترجيه
في جنة الفردوس تجعل ختامه