رغم الجفا

هذا أنت ما غير زمانك طبايعك
ولا صحت من غرقة النوم عينك
رغم الجفا ما يوم هلت مدامعك
حتى على اللي ينشد الناس وينك
انسى انك مقصر بحقي وأراجعك
مير الله اقوى ممحلاتٍ سنينك
لا واحسايف كيف هذي مطامعك
تبي تحط الناس بيني وبينك
لا تحسب ان اللي تذله يطاوعك
حتى لو إنه خاتم في يمينك
لو ما حكوا يا صاحبي عن تواضعك
ما ضاق صدري في رجاوي حنينك
واليوم انا جيتك وودي أوادعك
أبترك أيام الرجا بك وأهينك
خلك مع اللي في كلامه يخادعك
لين إنها تشبع من النوم عينك