أسرار الجروح

غيابك جرح فاق الجرح الأول والجروح أسرار
غيابك واقع بين الحقيقة والخياليه
وجودك سر غامض يفترض لا شك جار وجار
حقيقه جرحها كل المفاهيم الحقيقيه
ولكن يا هلا بك من شعورٍ ما عليه أغبار
هلا يا مرحبا ترحيبة ما هيب مقفيه
هل من هاجسٍ له شرهة من بين نار وغار
يعيش أسوأ المراحل قبل ما تعلن عن الجيه
مراحل لا عدمتك لا تلوم اللي بها محتار
لعلك تستطيع إعلاجها لو طبها كيه
على كلٍ غيابك نارحيرةوأنت قربك نار
ولكن في غيابك شفت أنا الحيره خلاويه
أشوفك مثل ما يحتاج لأسرار البحر بحار
أشوفك مثل ما يحتاج دمي فزعة إيديه
أشوفك في جروحي غير كل الناس وأنت اختار
ولا تحتار قلي والله والله وأحسن النيه
إذا قلت الكلام اللي تمنيته خذيت الثار
لقلبي والجروح وقصةٍ بالحيل سريه
وأبا أعلن للملأ جرح جديد ولنشدك وش صار
حقيقه فيك للتفكير ماريه وماريه
ويرحل معك مهما صرت معك بوجهة التيار
توافق ما عليه سمها رحله اجنونيه
واسميك البحر في كل ما يحوي سوى الغدار
وبسميك مفهوم جديد للبشريه
ويترجم قصيدي فيك لين آخر مدى الأشعار
تناقله الحناجر والقنوات الفضائيه
ولا تحتار كان اخترت غير اللي سمعت ودار
أنا قدام أعرفك حالتي مهيب عاديه
مراحل كلها خوف ومتاهات وقلق وأسفار
إذن منت السبب لو قلت لك حالي شقاويه
عموم والتفاصيل انتهت يا موجز الأخبار
تسميها كذا والا كذا سولف بحريه