يزول باسك يا ذرا كل منضام

يا من املنا فيه والحلم كامن
لا ثارت الهيجا وصوت الخطر قام
فعلك زمى لو كل الافعال حامن
والمشكلة لا دونت وسط الإعلام
عندك تذوب.. بساع نرقد ونامن
لاهل وجهك رفرف الخير بشمام
والناس فرحوا والتباشير قامن
لوان قلبي غادي كله اقسام
من جور.. هم..آلامك اللي تزامن
والحمد لله روحن كل الاسقام
يوم البشاير صافحنا ودامن
لاعل شوفك يا ابيض الوجه غنام
ما يختفي عن من رمقهن ونامن
عزام عطر قلوبنا قبل الاقلام
يا شوفنا كان النواظر تعامن
يا خو الفهد سيف العروبة والاسلام
لك كلنا وقلوبنا فيك هامن
نادر وفيك اطيب تصاريف الايام
الله عطاك ابكارهن لين شامن
الحلم بك واقع واقعك الاحلام
بنيت من هالراس ضد وتضامن
تبقى لنا يا خو الفهد درع وحسام
واعذب مشاعرنا إلى غبت صامن