شارون يكذب

مدري علامه ينكر الحق شارون
والبيت بيت الله ومسرى نبيه
ولى طبيعة ما تغير بصهيون
لامذهبن طيب ولا حسن نيه
أشوفهم والناس مثلي يشوفون
طغوا وعاثوا في جميع البريه
البيت يهدم والمساكين يرمون
والبنت يهتك عرضها بالعشيه
والام تبكي طفلها بقلب محزون
طفلٍ رضيع وللرصاصة ضحيه
طغى خوي ابليس وابليس ملعون
من طاوعه ما شاف غير الأذية
شارون يكذب ما عرف للوفا لون
يوعد ووعده للملا سم حيه
ريسم خطط حربه على شك وظنون
نفسه على الذل والمهانة قوية
المفسد اللي فسد الأرض والكون
ولع شرار الحرب في كل شيه
مثله مثل من كان قبله يسوون
نفس الطبايع والعلوم الردية
يامسلمين اليوم وش له تنامون
أرض الكرامة ودها بالحميه
معاد فينا من قعد غير مجنون
الله رفع عنه القلم والخطيه