يا سلام الله على ولد النعيمة

إلى امبراطور الكرة السعودية.. إلى أبي الهول..إلى لاعب القرن.. أهدي هذه القصيدة..
هبّ نسناس الشعر واقبل نسيمه
ريحته تجلى من الرأس العسامي
الملاعب فوقها مطر وديمه
ما يصح إلا الصراحة في الزحامي
راكب اللي ليمشى تسمع وشيمه
جمس شكمانين في ممشاه حامي
نرسله للي لهم قدر وقيمه
صالح بن محمد اللي ما يضامي
بلّغوا أزكى التحية للنعيمه
توصله فيها سلامي واحترامي
صالح اللي يبغض أصحاب النميمه
ما يحبِّ الخوض في الحكي الحرامي
نعرفه دايم ادروبه مستقيمه
فيه حزم وعزم ويحب النظامي
كبتن الأخضر له افعال عظيمه
ما جحدها كود من يهفي الذمامي
في الملاعب دايم يكوي غريمه
ما يِعَرْفِ الخوف ساعات الخصامي
عاش منهو ليغزا جاب الغنيمه
بالجوائز طار من فوق الغمامي
يا سلام الله على ولد النعيمه
مثل حٍّر موقعه فوق السنامي
يوم جاه الحق من عقب الظليمه
فاز في استفتاء الكويت بلا محامي
رشحوه اللي مساعيهم حكيمه
ما لهم قصد وهَدَفْ ولا مرامي
لاعب القرن الذي ولى بغيمه
قدّها واقدود مافيها كلامي
من يعارض هرجته موضه قديمه
النهار يزيل ما يخفي الظلامي
بو فهد طالبك لا تنسى العزيمه
الوعد لا تهمله يابن الكرامي
مع تحيات شاعر التوباد
سعد ثلاب آل ثلاب /الغيل بالأفلاج